Ամերիաբանկը ներգրավել է 150 միլիոն եվրոյի ֆինանսավորում ՎԶԵԲ-ից

Վերակառուցման և զարգացման եվրոպական բանկը հաստատել է մինչև 150 միլիոն եվրոյի վարկային փաթեթ Ամերիաբանկի համար:  Վարկը տրամադրվում է երկու փուլով՝ 100 միլիոն եվրո և ևս 50 միլիոն եվրո տրանշերով։

Գործարքը Հայաստանի տնտեսության ամենախոշոր վարկատուին՝ Ամերիաբանկին, հնարավորություն կտա ֆինանսավորել միկրո, փոքր և միջին ձեռնարկություններին` հատկապես ուշադրություն դարձնելով մարզերի հաճախորդներին և նոր վարկառուներին։

Գործարքն ընդգրկում է նաև կանաչ ֆինանսավորման զգալի բաղադրիչ: Ամերիաբանկը հանձնառու է միջոցների առնվազն 40 տոկոսն ուղղել կանաչ ներդրումներին` նման կերպ բարձրացնելով ռեսուրսների արդյունավետությունը և վերականգնվող էներգիայի արտադրությունը։

Ամերիաբանկի գլխավոր տնօրեն Արտակ Հանեսյանը նշել է, որ պայմանագրի հիմնական նպատակը փոքր և միջին ձեռնարկություններին (ՓՄՁ) աջակցումն ու կանաչ ծրագրերի խթանումն է։ «Սա մեր բազմամյա գործընկերոջ՝ ՎԶԵԲ-ի հետ գրանցած ևս մեկ կարևոր ձեռքբերում է, և ուրախ եմ, որ կնքում ենք այս գործարքը, որը հնարավորություն կտա բավարարել հայկական ընկերությունների ֆինանսավորման կարիքները և ընդլայնել մեր կողմից ֆինանսավորվող կանաչ ծրագրերը», - ասել է նա:

Մանրամասները՝ տեսանյութում․