ԱՄԷ-ն քննարկում է ԱՄՆ-ի և այլ դաշնակիցների հետ համատեղ Հորմուզի նեղուցի բացմանն ուղղված հնարավոր գործողություններին մասնակցությունը։
Տեղեկությունը հաղորդում է The Wall Street Journal-ը՝ հղում անելով արաբ պաշտոնյաներին։
Ըստ հրապարակման՝ նման քայլը կարող է ԱՄԷ-ին դարձնել Պարսից ծոցի առաջին պետությունը, որը կմասնակցի Իրանի հետ կապված ռազմական գործողություններին՝ վերջին զարգացումների ֆոնին։
Նշվում է, որ ԱՄԷ-ն աջակցում է ՄԱԿ-ի Անվտանգության խորհրդի հնարավոր բանաձևի ընդունմանը, որը կարող է իրավական հիմք ստեղծել նեղուցի բացման գործողությունների համար։
Աղբյուրների համաձայն՝ էմիրաթցի դիվանագետները կոչ են արել ԱՄՆ-ին և եվրոպական ու ասիական գործընկերներին ձևավորել կոալիցիա՝ նեղուցում նավարկության անվտանգությունն ապահովելու նպատակով։
Հորմուզի նեղուցը համաշխարհային էներգետիկ մատակարարումների առանցքային ուղիներից է, և դրա սահմանափակումը կարող է ազդեցություն ունենալ նավթի և գազի միջազգային շուկաների վրա։
Հրապարակման մեջ նաև նշվում է, որ քննարկվում են տարբեր սցենարներ, այդ թվում՝ նեղուցում գտնվող իրանական վերահսկողության տակ գտնվող տարածքների հարցը, սակայն այս տեղեկատվությունը ներկայացվում է աղբյուրների մակարդակով և պաշտոնապես հաստատված չէ։
