Air Canada-ի բորտուղեկցորդների գործադուլը ազդել է 500,000 ուղևորի վրա

Air Canada-ի բորտուղեկցորդների գործադուլը ազդել է 500,000 ուղևորի վրա:

Օգոստոսի 16-ին սկսված կանադական Air Canada խոշորագույն ավիաընկերության բորտուղեկցորդների գործադուլն արդեն իսկ ազդել է մոտ 500 հազար ուղևորների վրա։ Այդ մասին հայտնել է The Globe and Mail պարբերականը։

Պարբերականը պարզաբանել է, որ չվերթների չեղարկումները սկսվել են դեռևս օգոստոսի 14-ին, երբ հայտնի է դարձել, որ բորտուղեկցորդների արհմիությունը և ավիաընկերության ղեկավարությունը չեն կարողացել համաձայնության գալ։ Արհմիությունը պահանջում է բարձրացնել աշխատավարձը, ինչպես նաև վճարել այն ժամերի համար, երբ բորտուղեկցորդները օդում չեն և սպասում են թռիչքներին։

Գործադուլի սկսվելու օրը աշխատատեղերի և ընտանիքների հարցերով նախարար Փեթի Հայդուն Կանադայի աշխատանքային հարաբերությունների խորհրդին հանձնարարել է միջամտել իրավիճակին և ստիպել արհմիությանը դադարեցնել գործադուլը օգոստոսի 17-ին, որպեսզի կողմերը շարունակեն վեճը մինչև նոր համաձայնագրի կնքումը։ Սակայն արհմիությունը հրաժարվել է կատարել այս պահանջները։