Մեղմ գնաճի տվյալների ֆոնին աշխարհի բորսաները բարձրանում են

Մեղմ գնաճի տվյալների ֆոնին աշխարհի բորսաները բարձրանում են:

Աշխարհի հիմնական ֆոնդային շուկաներում նոր ռեկորդներ են գրանցվում․ MSCI All Country World Index-ը և Ճապոնիայի Nikkei ցուցանիշը հասել են պատմական առավելագույնի՝ վերջինս առաջին անգամ հաղթահարելով 43,000 միավորի սահմանը։

Բարձրացումներ են գրանցվել նաև Վիետնամում և ԱՄՆ-ում, իսկ կրիպտոշուկաներում Ethereum-ը մոտեցել է վերջին չորս տարվա գագաթնակետին։

Տվյալները ԱՄՆ-ից և այլ խոշոր տնտեսություններից ցույց են տալիս «ոսկե միջին»՝ ոչ շատ բարձր և ոչ շատ ցածր գնաճ, ինչը կենտրոնական բանկերին թույլ է տալիս պահպանել մեղմ դրամավարկային քաղաքականություն։

ԱՄՆ Դաշնային պահուստային համակարգի սեպտեմբերյան տոկոսադրույքի նվազեցման հավանականությունը շուկայում գնահատվում է 94%, Ավստրալիայի բանկը արդեն նվազեցրել է տոկոսադրույքը, իսկ Նոր Զելանդիան պատրաստվում է նույն քայլին հաջորդ շաբաթ։

Աղբյուր՝ Reuters