Ընդունվել է Հայաստանի համայնքների միության նոր կանոնադրությունը

Երևանի քաղաքապետ Տիգրան Ավինյանի նախագահությամբ այսօր տեղի է ունեցել Հայաստանի համայնքների ընդհանուր ժողովը։

«Այսօր Երևանում կայացավ Հայաստանի համայնքների ընդհանուր ժողովը։

Ընդհանուր ժողովի կողմից ընդունվեց նաև Միության նոր կանոնադրությունը, որը կարևոր հիմք է մեր աշխատանքի թափանցիկության և արդյունավետության համար։

Համայնքները մեր պետության առանցքային հենասյուներն են․ հենց այստեղ են լուծվում մարդկանց ամենօրյա խնդիրները։

Ողջունում եմ բոլոր գործընկերներիս Երևանում և մաղթում մեզ բոլորիս կառուցողական ու արդյունավետ աշխատանք՝ մեր համայնքների զարգացման համար»,- հայտնել է նա։