Հունաստանում անտառային հրդեհ է բռնկվել. տարհանում են գյուղերը

Կրակն ակտիվորեն տարածվում է, իսկ ծուխը դժվարացնում է ավիացիայի աշխատանքը։

Հունական Կորինթոս քաղաքի մոտակա լեռներում խոշոր անտառային հրդեհ է բռնկվել, ինչը ստիպել է տեղական իշխանություններին մի քանի բնակավայրերի տարհանում սկսել։ Այս մասին հայտնում է The Washington Post-ը։
Հրշեջ ծառայության տվյալներով՝ հրդեհի դեմ պայքարում է ավելի քան 180 հրշեջ․ աշխատանքներում մասնակցում է 15 ինքնաթիռ և 12 ուղղաթիռ։ Երեքշաբթի երեկոյան զոհերի կամ վիրավորների մասին տեղեկություններ չեն եղել, սակայն իրավիճակը շարունակում է լարված մնալ։ 
Երկրի բազմաթիվ մարզերում ջերմաստիճանը հասել է 40°C-ի, ինչը հատկապես բարդ պայմաններ է ստեղծում հրդեհաշիջման աշխատանքների համար։ Կրակն ակտիվորեն տարածվում է, իսկ ծուխը դժվարացնում է ավիացիայի աշխատանքը։