Ինչպիսի՞ տեսք կունենան ապագայի iPhone-ները

Apple-ը դեռևս չի թողարկել ծալովի սմարթֆոն, ինչպես իր մրցակիցները՝ Samsung-ը և Motorola-ն, սակայն տեխնոլոգիական հսկան կարող է ծտեղծել գլորվող iPhone, որը կլինի առաջինն աշխարհում իր տեսակի մեջ: Այս մասին գրում է բրիտանական Daily Mail-ը։ Ըստ հրապարակման՝ նոր սարքը նման կլինի մրգային ռուլետի՝ բարակ էկրանով, որը փաթաթվում է սեփական առանցքի շուրջ պահպանման ժամանակ։ Գլորվող iPhone-ը էկրանի վրա կունենա ապակու պաշտպանիչ շերտ։ Apple-ը պատրաստվում է իր iPhone 15-ը թողարկել սեպտեմբերին, այնպես որ, եթե ընկերությունը թողարկի փաթաթվող սմարթֆոն, ապա դա կլինի ոչ շուտ, քան 2024 թվականը: Այնուամենայնիվ, Apple-ին շնորհվել են բազմաթիվ արտոնագրեր, որոնք երբեք չեն վերածվում իրական տեխնոլոգիաների: Apple-ն առաջարկում է սմարթֆոնի ներքին հատվածը նախագծել մի քանի շերտով՝ այն պաշտպանելու վնասվածքներից, երբ այն փաթաթվում կամ բացվում է։ Առաջին շերտը կարող է պատրաստվել ծածկույթից, որին հաջորդում է մեկ այլ շերտ՝ պատրաստված պոլիիմիդից՝ պլաստիկի տեսակ, որն օգտագործվում է ամեն ինչում՝ ինքնաթիռի բաղադրիչներից մինչև սպորտային ապրանքներ և սոսինձներ: