Հմայիչ չինարենը` ապագայի հուսալի հենարան Հայաստանում տոնում են չինարենի միջազգային օրը ` «Հմայիչ չինարենը ապագայի հուսալի հենարան խորագրի ներքո»: Այս անգամ մշակութային հեռուստակամուրջն է կապել հայ եվ չինացի ժողովուրդներին: Չինարեն են հնչում բարեմաղթանքները, երգերը, հայկական կողմն էլ չինացիներին է շնորհավորում հայկական կատարումներով: 14-րդ անգամ է նշվում չինարենի միջազգային օրը, բայց չինարենի հիերոգլիֆները դարերի պատմություն ունեն: Ասում են` երկինքը հուզվել է, ու հացահատկի անձրեվ է տեղացալ, երբ չինական գրերի նախահայր Սանտիեն ստեղծել է հիերոգլիֆները: Չինացի ժողովուրդը սովի մատնվելուց է փրկվել: Ինչպե ՞ս հիմա չմեծարեն իրենց գրերը: Չինացի ժողովրդի անցյալը, ներկան ու ապագան են միմյանց կապում հիերոգլիֆները: Դարեդար, սենդեսերունդ միմյանց են փոխանցում չինացիները իրենց գրերն ու շարունակում կատարելագործել դրանք: Գործածությամբ աշխարհում երկրորդ լեզուն է Չինարենը: Աշխարհում մոտ 1,5 մլրդ մարդ է խոսում այդ լեզվով: Ու մեր երկրում էլ է այն արագ զարգանում, սիրվում ու ընկալվում: Վալերի Բրյուսովի անվան համալսարանի Կոնֆուցիուսի ինստիտուտը գործունեության 14 տարիներին մեծ արդյուք է գրանցել: Հիմա կա Կոնֆուցիուսի 3 դասարան, 10 չինարենի ուսուցման կենտրոն, իսկ չինարեն ուսումնասիրող տեղացիների թիվը շարունակում է աճել` գերազանցելով 3500-ը: Չինասատանի նախագահ Սի Ծինփինն է մի առիթով նշել, թե տարբեր մշակույթների միջեվ փոխանակումները եվ փոխադարձ ուսուցումը միակ միջոցն է աշխարհն ավելի գեղեցկացնելու եվ մարդկանց կյանքը բարելավելու համար: Այս ճանապարահով են գնում հայ եվ չինացի ժողովուրդները: Չինարենը իրենց մշակույթի հետ Հայաստան են բերում ու իրենց հետ տանում հայկական լավագույն ավանդույթները:   https://www.youtube.com/watch?v=1V0ztDypP2M