Պորշե Կենտրոն Երևանը նշեց իր վերաբացումը

Դիզայներական նոր կոնցեպտ, հաճախորդների համար էլ առավել բարելավված միջավայր ու իհարկե գրավիչ թվային ապրելակերպ: Պորշե Կենտրոն Երևանը նշել է իր վերաբացումը: Նոր կենտրոնի վերաբացումը դարձել է Պորշե համայնքի ժամանակակից հանդիպման վայրը Հայաստանում: Նոր կոնցեպտի նպատակն է Պորշե Կենտրոնը դարձնել հավաքատեղի՝ Պորշե ավտոմեքենաների սեփականատերերի, երկրպագուների և էնտուզիաստների համար: «Մենք երկար ճանապարհ ենք անցել, որ հասնենք այստեղ և դա հնարավոր է դարձել միմիայն մեր թիմի եռանդուն աշխատասեր ջանքերի արյունքում: «Նշանակման վայրը՝ Պորշե»-ն մեր հեղափոխման անկյունաքարն է»,-ասաց Պորշե Կենտրոն Երեւանի գլխավոր տնօրեն Արտեմ Սիմոնյանը: Արտեմ Սիմոնյանը Պորշեից առանձնացնում է 911 գենետիկ կոդը կրող բոլոր մեքենաները: Դրանք իրական ճանապարհի ընկեր են, ասում է նա: «Վաթսուն տարի առաջ է ծնվել 911 մոդելը, առ այսօր հեղափախկան փոփոխությունների գրեթե չի ենթարկվել, փոփոխությունները եղել են միայն էվոլուցիոն, այսինքն նոր տեխնոլոգիաներ են առաջ եկել, թեթև նյութեր և ժամանակակից էլեկտրոնիկա»,-ասաց Արտեմ Սիմոնյանը: Նոր կոնցեպցիա որդեգրած Պորշե կենտրոնների շարքում. սա առաջիններից է ոչ միայն Կենտրոնական և Արևելյան Եվրոպայի տարածաշրջանում, այլև ամբողջ աշխարհում: Այս կենտրոնում զգալիորեն բարելավվել են ֆունկցիոնալ դիրքավորումը և ծառայությունները, որն իհարկե միտված է հաճախորդներին տրամադրել էլ ավելի բարձրորակ սպասարկում: «Շուտով ամբողջ աշխարհի Պորշե կենտրոնները կհետևեն Երևանի օրինակին: Նոր կոնցեպտի շնորհիվ մեր կենտրոնները վերածվում են ժամանակակից հավաքատեղիների, որտեղ այս բրենդի սիրահարները կարող են հանդիպել, ծանոթանալ ու շփվել միմյանց հետ: Այստեղ իրականանում են երազանքները»,- ասաց Պորշե Կենտրոնական և Արևելյան Եվրոպայի Մարկետինգի տնօրեն Կոլաս Հենքեսը: Պորշեն արձագանքում է հաճախորդների փոփոխվող նախասիրություններին և ավտոմոբիլային մանրածախ առևտրի էվոլյուցիային: Այս կենտրոնը նույնպես հաճախորդների գաղափարների գեներցման հավաքակայան է դառնալու: Պորշեն խորհրդանշում է կյանքի երազանքները և ընկերների ու երկրպագուների հզոր համայնքը: «Այսօր Պորշեի համար անկյունաքարային օր է: Այժմ մենք կանգնած ենք Պորշեի նորագույն կենտրոնում, որ ժամանակակից հավաքատեղի է դարձել՝ իր բոլոր նորագույն մոտեցումներով: Նոր կենտրոնը դարձել է Պորշեի համաշխարհային վաճառքի ռազամավարության մի մասը: Այն օգնում է առավել մոտիկից ծանոթանալ մեր ապրանքատեսակներին»,- Կենտրոնական և Արևելյան Եվրոպայում Պորշեի տարածաշրջանային ղեկավար Սերգեյ Կորոլովը Ցուցասրահը ապրանքակենտրոնից վերափոխվել է հաճախորդամետ վայրի, որտեղ ուշադրության կենտրոնում հենց հաճախորդն է: Հաղորդակցությունը, թվայնացումը և ոգեշնչումը հնարավորություն են տալիս ավելի ջերմ հարաբերություններ հաստատել հաճախորդների հետ: Եթե չեք գտնում այն մեքենան, որը նախատեսված է հենց Ձեզ համար, ապա այն պետք է ստեղծեք սեփական ձեռքերով: Պորշեի հիմնադիրը հենց այս միտքն է դրել ընկերության հիմքում, որն արդեն ծառայում է տասնյակ տարիներ: Պորշեն արտադրում է մեքենաներ, որակը գնահատողների համար:   https://www.youtube.com/watch?v=SnSRPSdoAUM