Kering-ը և L'Occitane Group-ը որոշել են միավորել ուժերը ՄԱԿ-ի կլիմայի COP15 կոնֆերանսի ժամանակ և ստեղծել Բնության կլիմայի հիմնադրամ՝ պաշտպանելու շրջակա միջավայրը և կենսաբազմազանությունը: Այդ մասին գրում է WWD-ն։ Ընկերությունները հատկացրել են 140-ական միլիոն եվրո, որն ուղղվելու է կենսաբազմազանության պահպանման ծրագրերին, իսկ ծրագրի ներդրումային նպատակը կկազմի 300 միլիոն եվրո։ Լյուքս դասի նորաձևության և կոսմետիկայի ոլորտի այլ ապրանքանիշեր հրավերներ կստանան հիմնադրամը ֆինանսավորելու համար: «Բնության համար կլիմայի հիմնադրամը հնարավորություն է տալիս շքեղ նորաձևության և գեղեցկության արդյունաբերությանը միասին աջակցել կենսաբազմազանության վերականգնմանը և պահպանմանը մասշտաբով», - ասաց Kering-ի Կայունության և ինստիտուցիոնալ հարցերի տնօրեն Մարի-Քլեր Դավուն: Նրա խոսքով, հիմնադրամը կփորձի դադարեցնել կենսաբազմազանության կորստի գործընթացը մինչև 2030 թվականը և միևնույն ժամանակ լուծել կլիմայի փոփոխության խնդիրը։ Բնության կլիմայի հիմնադրամի գործունեությունը հիմնականում կենտրոնանալու է այն երկրների վրա, որտեղ շքեղ ապրանքանիշերը հումք են ստանում: Բնության Կլիմայի հիմնադրամը պաշտոնապես կմեկնարկի դեկտեմբերի 13-ին COP15 բիզնեսի և կենսաբազմազանության ֆորումի ժամանակ, և նրա գործունեությունը կսկսվի 2023 թվականի առաջին եռամսյակում: