Ընդլայնվել է Հայաստանից Իրան արտահանվող ապրանքատեսակների ցանկը

Վերջին երկու տարում Հայաստանի և Իրանի միջև առևտրաշրջանառությունն ակտիվացել է: Ըստ վիճակագրական կոմիտեի տվյալի ` 2022-ի հունվար-դեկտեմբերին նախորդ տարվա նույն ժամանակահատվածի համեմատ առևտրաշրջանառությունն աճել է 41.1%-ով` 505 միլիոն դոլարից հասնելով 712 միլիոն դոլարի: Ավելացել է ոչ միայն Հայաստանից Իրան արտահանման, այլև Իրանից Հայաստան ներմուծման ծավալը` կազմելով ավելի քան 601 միլիոն դոլար: Ոչ միայն առևտրաշրջանառության թվերն են ավելացել, այլև Հայաստանից արտահանվող ապրանքատեսակները: Պղնձի հանքաքար, ծխախոտ, վերականգնված ծխախոտ, ապակյա տարա. սրանք այն ապրանքատեսակներն են, որոնք երբևէ հարևան երկիր չեն արտահանվել: Հայաստանից Իրան արտահանման ծավալում զգալի մասը բաժին է հասնում էլեկտրաէներգիային: Այս տարի նաև նախատեսվում է նոր համաձայնագրի ստորագրում, ինչը լրացուցիչ հնարավորություն է, որ Հայաստան-Իրան առևտևաշրջանառությունը հասնի մեկ միլիարդ դոլարի: