Անցնող շաբաթվա այլ կարևոր իրադարձությունները ֆինանսական շուկաների համար ԱՄՆ աշխատանքի դեպարտամենտի զեկույցի համաձայն հունվարին երկրում աշխատատեղերի թիվն ավելացել է 143,000-ով, իսկ գործազրկության մակարդակը 4.1%-ից նվազել է մինչև 4%՝ գրանցելով նվազագույն մակարդակը մայիսից ի վեր։ Անգլիայի կենտրոնական բանկը կրճատել է վերաֆինանսավորման տոկոսադրույքը 0.25 տոկոսային կետով՝ սահմանելով 4.5%: Բանկը 0.5 տոկոսային կետով նվազեցրել է նաև 2025թ.-ի տնտեսական աճի հեռանկարը (0.75%), իսկ գնաճի կանխատեսվող ցուցանիշը բարձրացրել մինչև 3.7%:  ՌԴ անվանական ՀՆԱ-ն 2024թ.-ին կազմել է ավելի քան 200 տրիլիոն ռուբլի, ինչը 13%-ով ավել է նախորդ տարվա և կրկնակի ավել 2020թ.-ի ցուցանիշից։ Այնուամենայնիվ, դոլարային արտահայտությամբ ՀՆԱ-ի անվանական ծավալը կրճատվել է 2022ի համեմատ։ Տնտեսական աճը տարեկան կտրվածքով կազմել է 4.1%: Հնդկաստանի կենտրոնական բանկը վերջին 5 տարիների ընթացքում առաջին անգամ կրճատել է վերաֆինանսավորման տոկոսադրույքը 0.25 տոկոսային կետով՝ սահմանելով 6.75%, ինչը պայմանավորված է գնաճի՝ թիրախային 4% ցուցանիշին մոտենալու հանգամանքով և տնտեսական աճը խթանելու նպատակով։ Շուկայի մասնակիցներն անկնկալում են, որ Դաշնային պահուստային համակարգն այս տարվա ընթացքում միայն մեկ անգամ կնվազեցնի տոկոսադրույքները՝ ի տարբերություն նախապես կանխատեսված 2 նվազեցումների, ինչը պայմանավորված է հաջորդ տարվա գնաճի տեմպի արագացման սպասումներով և աշխատաշուկայի դրական ցուցանիշներով։ finarm.am   Բաժանորդագրվեք մեր Տելեգրամյան ալիքին՝ բիզնես ոլորտի ամենաթարմ և կարևոր նորություններին առաջինը ծանոթանալու համար: