90-ամյա թոշակառուն Բեռլինում շահել է 1,5 միլիոն եվրո

Թոշակառուն իր հաղթանակի մասին տեղեկացել է հենց իր 90-ամյակին նվիրված միջոցառումներից հետո։

Գերմանիայի մայրաքաղաք Բեռլինում 90-ամյա թոշակառուն սոցիալական վիճակախաղում շահել է 1,5 միլիոն եվրո՝ դառնալով գլխավոր մրցանակակիր։

Տեղեկությունը հայտնում է «Rundfunk Berlin-Brandenburg» հեռուստաընկերությունը։

Կինը 2019 թվականից պարբերաբար մասնակցել է վիճակախաղին և այս անգամ ստացել է խաղարկության առավելագույն մրցանակը։

Հաղորդվում է, որ վիճակախաղի միջոցները ուղղվում են ոչ միայն մրցանակների վճարմանը, այլ նաև սոցիալական ծրագրերի ֆինանսավորմանը։ Դրանք ներառում են աջակցություն թոշակառուներին, փախստականներին և հաշմանդամություն ունեցող անձանց։

Վերջին տարիներին այս ծրագրերի շրջանակում հատկացվել է շուրջ 70 միլիոն եվրո՝ ավելի քան 400 սոցիալական նախագծերի իրականացման համար։

Թոշակառուն իր հաղթանակի մասին տեղեկացել է հենց իր 90-ամյակին նվիրված միջոցառումներից հետո։