WhatsApp-ում նոր թարմացում կլինի․ ի՞նչ նոր ֆունկցիաներ կավելանան
Լուրեր |
WhatsApp մեսենջերում նոր թարմացում կլինի, որի շրջանակում մի շարք նոր գործառույթներ կավելանան։ Այս մասին ասվում է հավելվածի պաշտոնական բլոգում։
«Նոր ֆունկցիաների շնորհիվ խմբերում նավիգացիան կհեշտանա, իսկ դրանց ադմինիստրատորների համար ավելի հարմար կլինի դրանք կառավարելը»,- նշում են մեսենջերի մասնագետները։
WhatsApp-ը բացատրել է, որ նոր ֆունկցիաները նախաձեռնել են խմբերի գաղտնիությունը վերահսկելու նպատակով ադմինիստրատորներին ավելի շատ հնարավորություններ տալու համար, քանի որ խմբերի «անդամները հաճախ են շփվում անձնական թեմաներով»:
Օրինակ՝ թարմացումը տեղադրելուց հետո ադմինիստրատորները կկարողանան մերժել կամ ընդունել խմբին միանալու հարցումները հրավերի հղման միջոցով կամ անմիջապես համայնքից:
Նաև նշվում է, որ այժմ օգտատերերը կկարողանան նաև ստուգել, թե որոնք են այն խմբերը, որոնց անդամ են և՛ իրենք, և՛ իրենց ծանոթները․ այսուհետ հնարավոր կլինի տեսնել այդ ընդհանուր խմբերի ամբողջական ցանկը։
«Սա հարմար է, եթե դուք պետք է ստուգեք, թե որ խմբում է ձեր ընկերը ձեզ հետ, կամ եթե ցանկանում եք տեսնել ընդհանուր խմբերի ամբողջական ցանկը»,- նշվում է WhatsApp-ի բլոգային գրառման մեջ։
Նաև նշվում է, որ բոլոր նորամուծություններով այս թարմացումը հասանելի կլինի ներբեռնման համար ողջ աշխարհում առաջիկա շաբաթների ընթացքում ինչպես iOS-ով, այնպես էլ Android-ով աշխատող սարքերի համար։
Ավելի վաղ հայտնի էր դարձել, որ WhatsApp-ը շուտով կունենա նոր գործառույթ, որը կօգնի պաշտպանվել սպամերների, խաբեբաների և այլ չարագործների զանգերից: Նոր գործառույթը թույլ կտա արգելափակել անծանոթ համարներից ստացվող զանգերը։ Այս դեպքում զանգահարողը չի ստանա որևէ ծանուցում, որ իր զանգը չեն տեսնում կամ չեն լսում, իսկ օգտատերը նույնիսկ չի իմանա անհայտ բաժանորդի կողմից հնարավոր վտանգավոր զանգի մասին։
Հետեվեք մեզ սոց-ցանցերում
Կարդացեք նաեվ
Լուրեր | 2025/11/28 22:00
Նոյեմբերի 28-ի բիզնես լուրերը
Ինչ է կատարվել Հայաստանի և միջազգային տնտեսական աշխարհում
-
Նոյեմբերի 30-ի կարևոր լուրերը
2025/11/30/ 20:25 -
Սպառողի նոր հոգեբանությունը բարձր գնաճի պայմաններում
2025/11/30/ 18:34 -
Նոյեմբերի 29-ի կարևոր լուրերը
2025/11/29/ 20:47 -
Ինչու է խանութում միշտ ավելի շատ գումար ծախսվում, քան նախատեսում ենք
2025/11/29/ 18:26 -
Սև ուրբաթը նոր ռեկորդ սահմանեց․ ԱՄՆ-ում առցանց վաճառքները հասել են 8.6 մլրդ դոլարի
2025/11/29/ 17:14 -
Լիզինգի բացառիկ պայմաններ՝ Healthcare Expo 2025-ում
2025/11/29/ 13:15 -
Վախից՝ դեպի գիտելիք. ՄԻԱՎ-ի մասին առանց վախի
2025/11/29/ 12:12 -
Նոյեմբերի 28-ի բիզնես լուրերը
2025/11/28/ 22:00 -
Նոյեմբերի 28-ի կարևոր լուրերը
2025/11/28/ 20:20 -
Նոր բաժին Idram&IDBank-ում
2025/11/28/ 19:14
Բաժանորդագրվել
Փոխարժեք
Տեսանյութեր
ՓՈՂ NEWS. ՆՈՅԵՄԲԵՐԻ 28, 2025 Թ․