Tesla-ի Optimus ռոբոտը արդեն շապիկ է ծալում սեղանի վրա

Tesla ընկերության արտադրության Optimus մարդանման ռոբոտը նորանոր հնարավորություններ է ստանում. այժմ այն սովորել է շապիկ ծալել, ինչպես ցույց է տրված Իլոն Մասկի հրապարակած 30 վայրկյան տևողությամբ տեսանյութում: Տեսանյութում ռոբոտի կատարած գործողությունները սովորական են մարդու համար, սակայն ռոբոտի համար դրանք բավականին բարդ են։ Optimus-ը սեղանի վրա դրված զամբյուղից վերնաշապիկ է վերցնում, դնում սեղանի վրա, մի փոքր հարթեցնում այն և ծալում փոքր ուղղանկյունի չափով։ Մարդանման ռոբոտի այս բոլոր շարժումներն իրականում մանրակրկիտ մտածված և նախապես ծրագրված գործողություններ են։ Հետևաբար, դրանք ցույց են տալիս ոչ թե ռոբոտի արհեստական բանականությունը, այլ հոդերի և վերջույթների ֆունկցիոնալությունը. ըստ մասնագետների՝ ձեռքերը ռոբոտների ամենաբարդ մասերից են, քանի որ դրանք պետք է բավականաչափ ամուր լինեն՝ զգալի ծանրության  բեռին դիմանալու համար, և միևնույն ժամանակ բավականաչափ ճշգրիտ՝ փխրուն առարկաների հետ խնամքով վարվելու համար։ https://www.youtube.com/watch?v=cFbK951XkGo