Հայտնի են ամենաբարձր արտադրողականությամբ Android սմարթֆոններն աշխարհում

Հանրահայտ AnTuTu բենչմարքի թիմը հրապարակել է Android օպերացիոն համակարգով աշխատող ամենաբարձր արտադրողականությամբ սմարթֆոնների թարմ վարկանիշը միջազգային շուկայի համար։ Միջազգային վարկանիշը զգալիորեն տարբերվում է չինական շուկայի տարբերակից,- գրում է how2b.am-ը: 2023 թվականի նոյեմբերի վերջին վարկանիշը բավականին փոփոխություններ է կրել հոկտեմբերի համեմատ՝ ներառյալ լավագույն եռյակը։ Նորաստեղծ Xiaomi 14 Pro-ն, որն աշխատում է Qualcomm Snapdragon 8 Gen3 վերջին առաջատար պլատֆորմով, հայտնվել է առաջին հորիզոնականում: Այն պատվավոր առաջին տեղից հեռացրել է OnePlus Ace 2 Pro-ին, որն ամբողջությամբ անհետացել է թոփ 10-ից։ Red Magic 8 Pro+-ը, որի միջազգային դեբյուտը 2023 թվականի հունվարին էր, մինչև հոկտեմբերն առաջին տեղում էր, այժմ ցանկում 3-րդն է։ Իսկ Nubia Z50S Pro-ն զբաղեցրել է երկրորդ տեղը։ Տասնյակը եզրափակում են Red Magic 8S Pro, Samsung Galaxy S23+, Xiaomi 13 և Xiaomi 13 Pro, Nubia Z50, Galaxy S23 Ultra և Xiaomi 13T Pro սմարթֆոնները։