ABNews
ԱՐՄԲՐՈԿԸ դարձել է Ակբա բանկի բաժնետոմսերի շուկա ստեղծող
Լուրեր | 2023/03/03 10:05
2023 թվականի մարտի 1-ից ԱՐՄԲՐՈԿ ներդրումային ընկերությունն իրականացնելու է Ակբա բանկի՝ Հայաստանի ֆոնդային բորսայում (AMX) շրջանառվող բաժնետոմսերի շուկա ստեղծողի գործառույթները:
Ակբա բանկի՝ 55 մլրդ ՀՀ դրամ ընդհանուր ծավալով հասարակ անվանական բաժնետոմսերն ընդգրկված են AMX-ի «Ա» լավագույն ցուցակում և ներկայում ամենաակտիվ շրջանառվող արժեթղթերից են։ Միայն վերջին ամսվա ընթացքում Ակբա բանկի բաժնետոմսերով կատարված գործարքների ծավալը կազմել է շուրջ 42 մլն ՀՀ դրամ:
Շուկա ստեղծողի կարգավիճակում ԱՐՄԲՐՈԿՆ իրականացնելու է բորսայում բաժնետոմսերի գնման և վաճառքի անընդհատ գնանշումներ՝ ապահովելով Ակբա բանկի բաժնետոմսերի բացարձակ իրացվելիությունը երկրորդային շուկայում:
Ըստ Ակբա բանկի գլխավոր գործադիր տնօրեն Հակոբ Անդրեասյանի՝ բորսայում ԱՐՄԲՐՈԿ ընկերության ներգրավումը՝ որպես Ակբա բանկի բաժնետոմսերի շուկա ստեղծող, ևս մեկ քայլ է բանկի առկա և ապագա բաժնետերերի համար արժեթղթերի գնման և վաճառքի շահավետ պայմանների ստեղծման ուղղությամբ: Ակբա բանկի գլխավոր գործադիր տնօրենի խոսքով այն կնպաստի շուկայում բանկի բաժնետոմսերի շրջանառության ծավալների հետագա ավելացմանը և բանկի արժեթղթերի նկատմամբ վստահության ամրապնդմանը:
ԱՐՄԲՐՈԿԻ գլխավոր տնօրեն Արամ Կայֆաջյանը ևս շեշտեց բորսայում շուկա ստեղծողի առկայության կարևորությունը՝ արժեթղթի շրջանառության ցուցանիշների և գնագոյացման գործընթացի տեսանկյունից: Նա նշեց, որ, իբրև Հայաստանում ֆոնդային բորսայի հիմնադիր անդամ, ԱՐՄԲՐՈԿՆ ունի լայն փորձ՝ մասնավորապես շուկա ստեղծողի գործառույթների կազմակերպման բնագավառում: Ըստ Կայֆաջյանի, ԱՐՄԲՐՈԿՆ ուրախ է Հայաստանի խոշորագույն բանկերից մեկի՝ Ակբա բանկի հետ համագործակցելու այս համապարփակ նախաձեռնության շրջանակում և պատրաստ է ինչպես բանկին, այնպես էլ նրա բաժնետերերին մատուցել ամենաբարձր որակի ծառայությունները:
Տարածել
Կարդացեք նաեւ
Լուրեր | 2026/08/06 15:38
Կառավարությունը շուրջ 5.6 մլրդ դրամ կուղղի 61 մանկապարտեզի շինարարական ծրագրերին
Կառավարության այսօրվա նիստում ընդունված որոշմամբ 2026 թվականի պետական բյուջեում կատարվել է շուրջ 5.6 մլրդ դրամի կապիտալ ծախսերի վերաբաշխում՝ ՀՀ մարզերում մանկապարտեզների շինարարական ծրագրերի շարունակական իրականացումն ապահովելու նպատակով
Լուրեր | 2026/08/06 15:36
Ռուսաստանից Ադրբեջանի տարածքով տարանցմամբ Հայաստան է ուղարկվել ցորենի հերթական խմբաքանակը
Միևնույն ժամանակ, Ադրբեջանից Հայաստան է ներմուծվել շուրջ 15 հազար տոննա դիզելային վառելիք, ինչպես նաև շուրջ 5 հազար տոննա բենզին
Լուրեր | 2026/08/06 15:35
Օգոստոսի 7-ի՝ ժ. 21:30 -ից մինչև օգոստոսի 9-ը՝ ժ. 19:00- ն Ա. Խանջյան փողոցի Մանկավարժական համալսարանին հարող ուղետարը մինչև Տ. Մեծի պողոտա խաչմերուկը երթևեկության համար փակ է լինելու
Այս մասին հայտնում են քաղաքապետարանից
Լուրեր | 2026/08/06 15:32
Վարչապետը ժամանել է Ղրղզստան
Այսօր Չոլպոն-Ատայում կայանալու է Եվրասիական միջկառավարական խորհրդի նեղ կազմով նիստը, ընդլայնված կազմով նիստը կկայանա օգոստոսի 7-ին