2022-ի 11 ամսում ՀՀ-ում արտադրվել է 16.8%-ով ավելի էլեկտրաէներգիա 2022 թվականի 11 ամսում Հայաստանում արտադրվել է 8 մլրդ կՎտ էլեկտրաէներգիա` 2021 թվականի նույն ժամանակահատվածի համեմատ 16.8%-ով ավելի: Հայաստանի Էներգետիկ քաղաքականությունն ուղղված է և տարածաշրջանային շուկաների զարգացմանը, և արտահանմանը: Միայն ատոմակայանի դեպքում, օրինակ, էլեկտրաէներգիայի արտադրությունը ավելացել է 50%-ով: Ոլորտը այլ ուղղություններով էլ է ակտիվանում: Սրընթաց ավելանում է նաև արևից ստացված էլեկտրաէներգիայի բաժինը: Վիճակագրական կոմիտեի տվյալով` ՋԷԿ-երի արտադրությունը նախորդ տարվա նույն ժամանակահատվածի համեմատ ավելացել է 14.3, արևային էլեկտրակայաններինը՝ 280 տոկոսով: Միայն ՀԷԿ-երի դեպքում է, որ արտադրությունը նվազել է 12,6 տոկոսով: 2022-ին Վրաստան արտահանել ենք ավելի շատ էներգիա, քան նախորդ 10 տարում միասին: