«ՄԱՆԹԱՇՅԱՆՑ» գործարարների միության այցը Արմավիր

Իսահակյանների ընտանիքի համար մեկ դուռը կարելի է ասել որ շրջադարձային էր: Այդտեղ ստեղծվեց ընտանեկան բիզնեսի առաջին կրպակը, որը դարձավ խանութ, հետո խանութներ, ավելացավ պահեստը, իսկ Արմավիր քաղաքի միակ մոլը պատկանում է Իսահակյանների ընտանիքին: Այժմ ամեն բան հերթով. Շենքը, որն Արմավիր քաղաքում է, Իսահակյան կենտրոնն է: Ի դեպ այն ունի թամանյանական ճարտարապետություն, որակյալ ու ամուր պատեր: Առաջին հարկում գործարար, Մանթաշյանց գործարարների միության անդամ Համլետ Իսհակայանի խանութն է: Իննսունականներին երիտասարդ Համլետ Իսահակյանի արտասահմանյան մեկ այցը փոխեց նրա կյանքի հունը: Համլետ Իսահակյանի նպատակն է, որպեսզի իր գործունեությամբ նպաստի քաղաքի զարգացմանը: Ներդրումները դանդաղ, բայց հաստատուն կերպով կարծես թե արդարացնում են նպատակը: Բիզնեսի զարգացմանը նպաստելու համար ձեռներեցին հյուրընկալվել են Մանթաշյանց գործարարների միության անդամները: Նրանք ծանոթանում են գործունեությանը, ուսումնասիրում տարածքները, նաև մշակում ապագա գործակցության պլաններ: Օրինակ այս շենքի երկրորդ հարկում գործում է մանկապարտեզ, իսկ տարածքի մի զգալի հատված ազատ է, որը կարող է ծառայել այլ նպատակներով: Համլետ Իսահակյանը բաց է առաջարկների և խորհուրդների համար: Գործարարի հաջորդ կանգառը պահեստ-խանութն է: Գործում է մանրամեծածախ վաճառք: Այն քաղաքացիները, որոնք փնտրում են ավելի մատչելի ապրանք, կարող են անհրաժեշտ տեսականին գտնել այստեղ: Հաջորդ ու դեռ ամենամեծ ձեռքբերումը Իսո Մոլն է: Այն Արմավիրի միակ մոլն է, որը բավարարում է բազմաթիվ պահանջներ: Գործարարը նորամուծություններին հետևում է ճամփորդությունների ընթացքում: Ինչ որ նրան դուր է գալիս, իսկույն հայտնվում է մոլում: Նա առայժմ գործունեությունը կենտրոնացրել է Արմավիրում:   https://www.youtube.com/watch?v=pzpRNV8kHXo