Հայաստանում նույնականացման քարտերի և կենսաչափական անձնագրերի նոր համակարգի ներդրման գործընթացը կմեկնարկի հաջորդ տարվա մարտից, երբ հայտնի կդառնա մրցույթում հաղթած ընկերությունը: Այս մասին տեղեկացրեց ՆԳ փոխնախարար Արփինե Սարգսյանը կառավարության այսօրվա նիստին:
Նա ասաց, որ նախագիծը նախատեսում է պետություն-մասնավոր գործընկերության ձևաչափով ՀՀ քաղաքացիներին տրամադրել նոր նույնականացման քարտեր և կենսաչափական անձնագրեր: Նախագիծը կարգավորում է երկրորդ բուն մրցութային փուլին վերաբերող հարցերը, որպեսզի գործընթացը ավելի որակյալ իրականացվի և ընտրվի լավագույն մատակարարը, որը կկարողանա ծառայություններ մատուցել ՀՀ քաղաքացիներին:
Փոխնախարարը նշեց, որ ծրագրի մեկնարկին շուկայի ուսումնասիրություն է իրականացվել՝ հասկանալու, թե ինչ մատակարարներ կան և ինչ առաջարկներ կարող են տրամադրել: Դրա հիման վրա ձևավորվել է ծրագիրը և առաջին փուլը, որտեղ ընտրվել են որակավորված թեկնածուները: Այս փուլում 5 միջազգային առաջատար ընկերություններ հայտավորումներ են ներկայացրել, որոնք ունեն փորձառություն բիոմետրիկ անձնագրերի և նույնականացման քարտերի համակարգի ոլորտում:
Հայտերի գնահատման փուլում ընտրվել են 3 արտասահմանյան ընկերություն՝ երկու գերմանական և մեկ ֆրանսիական: Ներկայում բանակցություններ են ընթանում, և մատակարարները առաջարկում են երկարաձգել քննարկումների փուլը՝ որպեսզի ՆԳՆ-ն ավելի հստակ ձևակերպի պահանջները:
Սարգսյանի խոսքով՝ երեք ընկերությունները իրենց առաջարկները կներկայացնեն մինչև ընթացիկ տարվա ավարտը, հաղթողը կորոշվի հաջորդ տարվա մարտին, իսկ ծառայությունների մատուցման մեկնարկը նախատեսված է 2026 թվականի մարտին:
Նա նշեց, որ 2026 թվականի մարտին պատրաստ լինելու դեպքում ծառայությունների մատուցումը կմեկնարկի, սակայն պետք է զգուշավոր լինել ժամկետների հետ կապված, քանի որ մրցույթի ընթացքում հնարավոր են բողոքարկումներ:
Փոխնախարարը հավելեց, որ սա կարևոր ուղղություն է նաև ԵՄ-ի հետ վիզաների ազատականացման երկխոսության տրամաբանության մեջ, և նախատեսվող անվտանգության կանոնները կբավարարեն բարձր ստանդարտներին:
ABNews
Հայաստանում նույնականացման քարտերի և անձնագրերի նոր համակարգ կլինի
Լուրեր | 2024/08/08 06:58
Տարածել
Կարդացեք նաեւ
Լուրեր | 2026/10/12 19:19
Հոկտեմբերի 12-ի բիզնես լուրերը
Տեղական լուրերԿուտակային կենսաթոշակներից գումարների վերադարձ չի նախատեսվումՀՀ աշխատանքի և սոցիալական հարցերի նախարարությունը հերքել է շրջանառվող լուրերն այն մասին, թե հունվարից կուտակային ֆոնդերից քաղաքացիներին գումար է վերադարձվելու՝ հիշեցնելով, որ հատկացումները կարգավորվում են բացառապես օրենքով սահմանված կարգով:284.4 մլն դոլարի վարկային համաձայնագիր՝ ԼՂ-ից տեղահանվածների համարԱԺ-ն վավերացրել է Լ...
Լուրեր | 2026/10/12 17:43
COP17-ի շրջանակում հոկտեմբերի 15-ին և 16-ին Երևանում կգործեն երթևեկության սահմանափակումներ
ՄԱԿ-ի Կենսաբազմազանության մասին կոնվենցիայի կողմերի 17-րդ համաժողովի (COP17) շրջանակում նախատեսվող միջազգային պատվիրակությունների և բարձրաստիճան հյուրերի այցերով պայմանավորված՝ հոկտեմբերի 15-ին և 16-ին Երևան քաղաքի մի շարք փողոցներում ժամանակավորապես կսահմանափակվի տրանսպորտային միջոցների երթևեկությունը։ Այս մասին տեղեկացնում են ՀՀ ՆԳՆ ոստիկանությունից:«Հոկտեմբերի 15-ին, ժամը 6.00-ից մինչև 23.00-ն՝...
Լուրեր | 2026/10/12 16:27
Տարբերակներից մեկն այն է, որ ՀՀ-ն դառնա Եվրամիության անդամ. վարչապետ (տեսանյութ)
Radio France International-ին տված հարցազրույցում ՀՀ վարչապետ Նիկոլ Փաշինյանը հայտարարել է, որ Եվրամիությանն անդամակցելը Հայաստանի հնարավոր տարբերակներից մեկն է: Նա ընդգծել է, որ երկրի և ժողովրդի ռազմավարական նպատակը արտաքին հարաբերություններում այլընտրանքներ ձևավորելն է:Ինչու է դա կարևոր. Հայաստանը ձգտում է դուրս գալ միակողմանի կախվածությունից, որպեսզի քաղաքացիները հնարավորություն ունենան ընտրութ...
Լուրեր | 2026/10/12 15:16
Կառավարությունը 284,4 մլն դոլարի չափով վարկ կվերցնի ՎԶՄԲ-ից․ ինչ ուղղություններով է ծախսվելու գումարը
«Հայաստանում բնակարանային ապահովման և հիփոթեքային շուկայի զարգացում» ծրագրի շրջանակում Հայաստանի և Վերակառուցման և զարգացման միջազգային բանկի (ՎԶՄԲ) միջև ստորագրվել են 284.4 միլիոն դոլարի ֆինանսական և դրամաշնորհային համաձայնագրեր: Այս մասին ԱԺ-ում հայտնել է Աշխատանքի և սոցիալական հարցերի նախարարի տեղակալ Լուսինե Քոչարյանը:Ինչու է դա կարևոր. Ծրագիրը նպատակ ունի բնակարանային լուծումներ ապահովել շուր...