Հայաստանի ֆոնդային բորսան ամփոփել է 2024 թ.-ի հունիս ամսվա տվյալները

Պետական պարտատոմսերի բորսայական շուկա

  Հայաստանի ֆոնդային բորսայում  հունիսին տեղի ունեցած պետական պարտատոմսերի տեղաբաշխման աճուրդների ընդհանուր ծավալը կազմել է մոտ 45 մլրդ ՀՀ դրամ, որը գերազանցում է նախորդ տարվա նույն ժամանակաշրջանի ցուցանիշը 8․45%-ով: Պետական պարտատոմսերի երկրորդային շուկայի բորսայական առևտրի ընդհանուր ծավալը հունիսին կազմել է ավելի քան 10․7 մլրդ ՀՀ դրամ՝ նախորդ տարվա նույն ժամանակահատվածի նկատմամբ աճելով 23%-ով։ Առևտրի առկա պետական գանձապետական պարտատոմսերով կնքվել է 57 գործարք:  

Կորպորատիվ պարտատոմսերի բորսայական շուկա

Նախորդ տարիների նույն ժամանակահատվածի համեմատ կորպորատիվ պարտատոմսերի թե՛ շուկայի և թե՛ առևտրի ծավալները պահել են աճի դինամիկան։ Կորպորատիվ պարտատոմսերի հունիս ամսվա շուկայի ծավալը նախորդ տարվա նույն ժամանակահատվածի համեմատ աճել է 23․3%-ով և կազմել է ավելի քան 522 մլրդ դրամ։ Կորպորատիվ պարտատոմսերով իրականացված առևտրի ծավալը կազմել է ավելի քան 3.5 մլրդ դրամ, որը աճել է նախորդ տարվա նույն ժամանակաշրջանի համեմատ 43%-ով։ Հաշվետու ժամանակահատվածում կորպորատիվ պարտատոմսերով կնքվել է 386 գործարք։ Բորսայում շրջանառվող կորպորատիվ պարտատոմսերի քանակը կազմել է 115։ ՌԵՊՈ գործարքներ Ռեպո գործարքների ընդհանուր ծավալը կազմել է ավելի քան 4․3 մլրդ դրամ, որը գերազանցում է նախորդ տարվա նույն ժամանակահատվածի ցուցանիշը 75%-ով: Հունիսին կնքվել է 44 ռեպո գործարք։

Բաժնետոմսերի բորսայական շուկա

Բաժնետոմսերի առևտրի ծավալը կազմել է ավելի քան 67․5 մլն դրամ, իսկ շուկայի կապիտալիզացիան՝ ավելի քան 329 մլրդ դրամ։ Բաժնետոմսերով կնքվել է 128 գործարք։

Արտարժույթի շուկա

Հունիսին արտարժույթի հարթակի գործարկումից հետո տեղի ունեցավ արտարժույթի հարթակի առաջին գործարքը 1․1 մլն ԱՄՆ դոլար արժողությամբ։ Ընդհանուր առմամբ հունիսին կնքվել է արտարժույթի 12 գործարք 1․6 մլրդ դրամ ծավալով։