Հայաստանում առաջին անգամ օտարերկրյա ներդրումների ծավալը կազմել է մոտ $1մլրդ. Քերոբյան

2022-ի բյուջեի կատարողականի քննարկման ժամանակ Հայաստանի էկոնոմիկայի նախարար Վահան Քերոբյանը հայտարարեց, որ Հայաստանում օտարերկրյա ուղղակի ներդրումների ծավալը 2022 թվականին կազմել է մոտ մեկ միլիարդ դոլար: «Ըստ միջանկյալ տվյալների, Ներդրումների մասով մենք անցած տարի ունենք 1 տրիլիոն 845 միլիարդ դրամի համախառն կուտակում, իսկ օտարերկրյա ուղղակի ներդրումների ծավալն առաջին անգամ Հայաստանի պատմության մեջ կազմել է մոտ մեկ միլիարդ դոլար, որը մեր ՀՆԱ-ի 5․13 տոկոսն է»,- ասաց Քերոբյանը։ Նրա խոսքով, նախապես պլանավորված 42 մլրդի փոխարեն 53 մլրդ 116 մլն դրամի կատարողական են ունեցել: Նախարարը հիշեցրեց նաև, որ օտարերկրյա ուղիղ ներդրումներ-ՀՆԱ ցուցանիշի մասով կառավարության թիրախը եղել է 6%-ը, իսկ ներդրումներ-ՀՆԱ ցուցանիշի թիրախը եղել է 25%-ը։