Լուրեր Ամերիաբանկի սեփականատիրոջ փոփոխության մասին. Հրապարակ

Ըստ «Հրապարակի». «Հայաստանյան հեղինակավոր բանկերից եւս մեկը՝ Ամերիաբանկը, փոխում է սեփականատիրոջը: Շուրջ մեկ տարի, եթե ոչ ավելի, բանակցություններ են ընթանում վրացական հայտնի Bank of Georgia-ի հետ։ Գործարքը նախատեսված էր կնքել դեռ դեկտեմբեր-հունվար ամիսներին, սակայն ինչ-որ տեխնիկական նրբություններ դեռ ավարտին չէին հասցվել, եւ, ըստ ամենայնի, մոտ ժամանակներում կհայտարարվի: Ամերիաբանկի բաժնետերերը ներկա պահին հինգն են՝ «Իմաստ Գրուպ» (Սի-Ուայ) (48.87%), սա թերեւս Ռուբեն Վարդանյանի մասնաբաժինն է, Վերակառուցման եւ զարգացման եվրոպական բանկ՝ ՎԶԵԲ (17.73%), ԱԶԲ (13.92%), «Ի-Էս-Փի-Էս Հոլդինգ Լիմիթիդ» (11.98%) եւ «Աֆեյան հիմնադրամ Հայաստանի համար» Ինկ. (7.5%): Մեր տեղեկություններով, իր մասնաբաժինը կպահի միայն ՎԶԵԲ-ը։ Նկատենք նաեւ, որ ըստ բաց աղբյուրների` Bank of Georgia-ի բաժնետերերի մեջ Թուրքիայի քաղաքացիներ կան»: Սկզբնաղբյուր՝ hraparak.am