2023թ.-ի սեպտեմբերի վերջի դրությամբ ՀՀ պետական պարտքը 11.32 մլրդ դոլար է

ՀՀ վիճակագրական կոմիտեի հրապարակած տվյալների համաձայն 2023թ.-ի սեպտեմբերի վերջի դրությամբ ՀՀ պետական պարտքը կազմել է 4,454,193 մլն դրամ: 2023թ.-ի սկզբից պետական պարտքն աճել է 264,527 մլն դրամով կամ 6.39%-ով։ Մասնավորապես, արտաքին պարտքն աճել է 1.05%-ով կամ 26,538 մլն դրամով և կազմել 2,563,246.20 մլն դրամ, որից կառավարության պարտքը՝ 2,353,984 մլն դրամ (+1.48%) և Կենտրոնական բանկի պարտքը՝ 209,262.2 մլն դրամ (-3.65%): Ինչ կայանում է ներքին պարտքին, ապա այն աճել է 14.61%-ով կամ 240,989.1 մլն դրամով և կազմել 1,890,946.8 մլն դրամ, որից Ռեզիդենտների կողմից ձեռք բերված պետական գանձապետական  պարտատոմսեր՝ 1,653,548.30 մլն դրամ (+13.86%), Ռեզիդենտների կողմից ձեռք բերված արտարժութային պետական պարտատոմսեր՝ 231,740.10 (+22.92%) և ներքին երաշխիքներ՝ 5,658.30 մլն դրամ (-38.27%): Եթե պետական պարտքը ներկայացնենք ԱՄՆ դոլարով՝ հաշվի առնելով դոլարի 2023թ.-ի սեպտեմբերի 30-ի 393.4 դրամ և 2022թ.-ի դեկտեմբերի 31-ի 393.57 դրամ փոխարժեքները, ապա կստանանք հետևյալ պատկերը։ 2023թ.-ի սեպտեմբերի վերջի դրությամբ ՀՀ պետական պարտքը կազմել է 11,322.301 մլն դոլար: 2023թ.-ի սկզբից պետական պարտքն աճել է 684.637 մլն դոլարով կամ 6.44%-ով։ Արտաքին պարտքն աճել է 1.09%-ով և կազմել 6,515.523 մլն դոլար, իսկ ներքին պարտքն աճել է 14.66%-ով և կազմել 4,806.677 մլն դոլար։