Binance-ը գործարկում է սեփական՝ Web3 Wallet կրիպտո դրամապանակը Binance-ը գործարկում է իր սեփական կրիպտո դրամապանակը՝ Binance Web3 Wallet-ը: Այս մասին Ստամբուլում կայացած համաժողովի ժամանակ հայտարարել է կրիպտո բորսայի հիմնադիր Չանգփեն Չժաոն,- գրում է fintech.am-ը: Web3 դրամապանակները հաճախ հայտնվում են հանցագործների թիրախում: Բավական է մեկ հաքեր ստանա անձնական բանալին և միջոցները կարող են կորել անվերադարձ։ Նոր Binance web3 Wallet դրամապանակն աշխատում է բազմակողմանի հաշվարկային տեխնոլոգիայի միջոցով: Տեխնոլոգիան մասնավոր բանալիները բաժանում է երեք մասի, որոնք պահվում են տարբեր սերվերներում: Նրանցից երկուսը կապված են օգտագործողի հաշվին, իսկ երրորդը գտնվում է բորսայի վերահսկողության տակ: «Կրիպտո դրամապանակները ավելին են, քան պարզապես թվային ակտիվների պահպանման ծառայություններ. դրանք Web3 ենթակառուցվածքի անբաժանելի մասն են և մարդկանց հնարավորություն են տալիս ինքնուրույն կառավարել իրենց ֆինանսները»,- ասում է Չանգպեն Չժաոն: Եթե ​​օգտատերը մոռանա վերականգնման կոդը կամ կորցնի սարքը, ջնջի հավելվածը, կամ այլ պատճառներով չկարողանա մուտք գործել հաշիվ, նա կկորցնի մուտքը դեպի իր դրամապանակ: Այս մասին զգուշացրել է Binance-ի տարածաշրջանային շուկաների ղեկավար Ռիչարդ Թենգը։ Նման դրամապանակ կարող եք ստեղծել կրիպտո փոխանակման բջջային հավելվածում։