American Express-ը ներկայացրել է նորացված US American Express Business Gold քարտը

American Express վճարային ծառայությունը ներկայացրել է նորացված US American Express Business Gold քարտը՝ տարբեր գործառույթներով, բոնուսներով և պարգևներով,- գրում է fintech.am-ը: Քարտապաններն այսուհետև հնարավորություն ունեն ստանալ միավորներ՝ անդամակցության պարգևների ծրագրի միջոցով բիզնեսի ծախսերի հիմնական կատեգորիաներում։ Նրանք կարող են նաև գրանցվել պարգևատրման ծրագրին՝ վարկեր ստանալու համար: Այս քարտն ունի նաև վարդագույն ոսկու դիզայնի տարբերակ, որը մինչ այժմ հասանելի էր միայն Consumer Gold / ոսկե հաճախորդ կատեգորիայի քարտապաններին: Քարտն առաջարկում է մի քանի թվային վճարային ծառայություններ և դրամական միջոցների հոսքերի կառավարման գործիքներ, որոնք օգնում են փոքր և միջին բիզնեսին կառավարել իրենց հաշիվները, բավարարել վճարային կարիքները և էլ ավելի մեծ օգուտներ քաղել իրենց քարտից: Նոր առավելությունների շնորհիվ 2024 թվականի փետրվարից Business Gold քարտի համար կգանձվի տարեկան $375 դոլար սպասարկման վճար: