Ի ՞նչ է սպասվում օգոստոսի 15-ին

????Ի ՞նչ է սպասվում 15.08.23-ին ⚡️«Հայացք» մամուլի ակումբի հյուրերն են քաղտեխնոլոգներ Վիգեն Հակոբյանը և Արմեն Բադալյանը Օգոստոսի 15-ին՝ ժամը՝ 12–ին, «Հայացք» մամուլի ակումբի հյուրերն են քաղտեխնոլոգներ Վիգեն Հակոբյանը և Արմեն Բադալյանը: Թեման՝ Երևանի ավագանու ընտրություն, սպասվող հնարավոր համայնապատկեր: Հասցե՝ Կորյունի 19, 3-րդ հարկ (ՀԱԿ նախկին շենք, Որարտու համալսարանի շենք): ⚡️Կառուցապատողի համար լրացուցիչ ֆինանսական պարտավորություններ նախատեսող որոշման ազդեցության գնահատումը Օգոստոսի 15-ին` ժամը 11-ին, «Կառուցապատողների հայկական ասոցիացիա» ՀԿ-ն Էլիտ Պլազա բիզնես կենտրոնում (Խորենացու փող., 15 շենք) կազմակերպում է հանրային քննարկում «Կառուցապատողների համար լրացուցիչ ֆինանսական պարտավորություններ նախատեսող Երևան քաղաքի ավագանու 27.06.2023 թ. որոշման ազդեցության գնահատումը» թեմայով: ⚡️Համատեղ ակցիա՝ դոնորական արյուն հավաքելու նպատակով «ՎԻՎԱ – Հայաստանի բժիշկներ և կամավորներ» հիմնադրամը սկսում է միջոցառումների շարք՝ «Արյան գիտակցված նվիրատվություն» ծրագիրը Հայաստանում։ Առաջին միջոցառումը Արյան բանկի հետ ակցիա է՝ դոնորական արյուն հավաքելու նպատակով։ Գտնվելու վայրը՝ Common Ground (Բաղրամյան, 6) Սկիզբը՝ ժամը 10–ին։ ⚡️Դատական գործի քննություն ընդդեմ ՀՀ ՆԳՆ ոստիկանության Օգոստոսի 15-ին՝ ժամը 11:30-ին, վարչական դատարանի Երևանի նստավայրում (Նժդեհի 23) տեղի կունենա «Ազատազէն» ՌՀԿ հայցադիմումի հիման վրա հարուցված դատական գործի քննությունն ընդդեմ ՀՀ ՆԳՆ ոստիկանության։ ⚡️Առնո Բաբաջանյանի սիրված ստեղծագործությունները՝ բաց երկնքի տակ Օգոստոսի 15-ին՝ ժամը 21-ին, Արամ Խաչատրյան համերգասրահի տանիքում Առնո Բաբաջանյանի սիրված ստեղծագործությունները բաց երկնքի տակ՝ մեկ գավաթ գինով: ⚡️ՀՆՄ անդամների քանդակի խմբակային ցուցահանդես Օգոստոսի 15-ին՝ ժամը 16–ին, Հայաստանի նկարիչների միության Արա Սարգսյան ցուցասրահում կբացվի ՀՆՄ անդամների քանդակի խմբակային ցուցահանդեսը: ⚡️Հրատարակչական բիզնեսի դժվարություններն ու առանձնահատկությունները Օգոստոսի 15-ին՝ ժամը 20-ին, երկու հրատարակիչ կհանդիպեն Common Grounde-ում՝ ռուսական կողմից՝ Կարինա Երիցյան («Սլովո», Մոսկվա) և հայկական կողմից՝ Ռուբեն Իշխանյան («Օրակուլ», Երևան): Նրանք կխոսեն հրահրատարակչության, հրատարակչական բիզնեսի դժվարությունների ու առանձնահատկությունների մասին։