Կենտրոնական բանկը ներկայացնում է Էրիկ Վարդանյանի հեղինակած ուսումնասիրությունը Կենտրոնական բանկի թվային արժույթի (ԿԲԹԱ) վերաբերյալ:
Կենտրոնական բանկի թվային արժույթի (ԿԲԹԱ)՝ որպես փողի նոր ձևի ներդրման շուրջ բուռն քննարկումներ են ծավալվում տնտեսագետների միջև: Աշխարհի կենտրոնական բանկերի ճնշող մեծամասնությունը ուսումնասիրում է ԿԲԹԱ-ն իրենց տնտեսություններում ներդնելու նպատակահարմարությունը: Ուսումնասիրվող ԿԲԹԱ-ները տարատեսակ են՝ կախված համապատասխան տնտեսությունների առանձնահատկություններից և զարգացման առաջնահերթություններից:
Տվյալ հետազոտությունը նպատակ ունի ուսումնասիրելու Հայաստանում ԿԲԹԱ ներդրման նպատակահարմարությունը: Այդ նպատակով իրականացվել են մի շարք միջոցառումներ, մասնավորապես՝ ուսումնասիրվել են ԿԲԹԱ միջազգային զարգացումները, հայաստանյան վճարային համակարգը, հարցումներ են կատարվել մասնավոր ֆինանսական հաստատությունների շրջանում՝ հասկանալու համար վերջիններիս տեսակետները Հայաստանում վճարային ենթակառուցվածքների զարգացման վերաբերյալ: Մշակվել է նաև գործակալական մոդել` Հայաստանում ԿԲԹԱ հնարավոր ներդրումը մոդելավորելու նպատակով:
Համախմբելով բոլոր արդյունքները՝ կարելի է եզրակացնել, որ, չնայած առկա խնդիրներին, հաշվի առնելով Հայաստանի ֆինանսական շուկայի զարգացվածության ներկա մակարդակը, ԿԲԹԱ-ն սահմանափակ օգուտներ կարող է ապահովել համակարգի համար: Այդուամենայնիվ, ԿԲԹԱ-ների համար դիտարկվող տեխնոլոգիական նորարարությունները կարող են օգտակար լինել ֆինանսական համակարգի որոշակի հատվածների զարգացման առումով։
Նյութում ներկայացված են բացառապես հեղինակների տեսակետները, որոնք կարող են չհամընկնել Կենտրոնական բանկի տեսակետին կամ քաղաքականությանը:
Սույն հետազոտական նյութը չի կարող ներկայացվել նաև որպես Կենտրոնական բանկի տեսակետ կամ քաղաքականություն:Հետազոտությանը (անգլերեն լեզվով) կարող եք ծանոթանալ այստեղ`https://www.cba.am/.../panalyticalmat.../CBDC_26.06.2023.pdf
