Toyota-ն 2022 թվականին ամենաշատն է ավտոմեքենա վաճառել, երկրորդը ՝ Volkswagen-նն է․ Reuters

Ճապոնական Toyota Motor Company-ն 2022 թվականին վաճառել է 10,5 միլիոն ավտոմեքենա, ինչը ամենաբարձր վաճառքն է աշխարհի ցանկացած ավտոարտադրողի կողմից: Toyota-ն երրորդ տարին անընդմեջ վաճառում է ամենաշատ մեքենաները,- հայտնում է Reuters-ը։ Ընդհանուր առմամբ, Toyota-ի համաշխարհային վաճառքները, ներառյալ բեռնատարների ստորաբաժանումը Hino Motors-ը և փոքր մեքենաներ արտադրող Daihatsu-ն, տարեկան կտրվածքով նվազել են 0,1%-ով, ինչը հիմնականում պայմանավորված է ներքին վաճառքի 9,6%-ով անկմամբ՝ մինչև 1,9 մլն ավտոմեքենա: Արտաքին շուկայում ընկերությունը վաճառել է ռեկորդային՝ 8,6 մլն ավտոմեքենա։ Toyota-ն 2022 թվականին ավելացրել է ավտոմեքենաների արտադրությունը 5%-ով Ասիայում և Հյուսիսային Ամերիկայում հզորությունների ընդլայնման և արտադրության օպտիմալացման շնորհիվ: Toyota-ն անցյալ տարվա նոյեմբերին վերանայել է ընթացիկ ֆինանսական տարվա (ավարտվում է 2023 թվականի մարտի 31-ին) արտադրության իր կանխատեսումը 9,7 միլիոնից մինչև 9,2 միլիոն ավտոմեքենա: Ամենամոտ մրցակիցը՝ Volkswagen Group-ը, 2022 թվականին վաճառել է ամենաքիչ թվով մեքենաները վերջին տասնամյակում ՝ 8,3 միլիոն։ Վաճառքի անկումը պայմանավորված է ուկրաինական պատերազմի պատճառով մատակարարման շղթայի խաթարմամբ և Չինաստանում COVID սահմանափակումներով։