ՀԲԸՄ-ը տաք ուտեստ է հասցնում Արցախից բռնի տեղահանվածներին Հայկական բարեգործական ընդհանուր միությունը արցախցի հայրենեակիցների կողքին է բռնի տեղահանման հենց առաջին օրվանից: Գործընկեր World Central Kitchen միջազգային ՀԿ-ի հետ միասին տեղահանումից անմջապես հետո հասել էին Գորիս, որ շուրջ մեկ տարվա շրջափակումից, սովից ու հայրենազրկումից հետո առաջին տաք ու թարմ ճաշը հասցնեն արցախցի քույրերին ու եղբայրներին: Ներկայում 50-ից ավելի ռեստորանների հետ է աշխատում ՀԲԸՄ-ն: Երևանում, Վայոց ձորում և Սյունիքում գործող ութ խոհանոցները հիմա օրական ավելի քան 13,000 չափաբաժին օգտակար սնունդ են առաքում Հայաստանի յոթ մարզերում ապաստանած արցախցիներին: Այսօրվա դրությամաբ գրեթե 243 000 չափաբաժին տաք սնունդ են բաժանել արդեն: Ի դեպ, խոհանոցում 70-ից ավելի արցախցիներ են նաև աշխատում․վճարովի աշխատանք է: Մենյուն կազմելիս Արցախցի կանանց խորհուրդն են հարցնում, որ տաք կերակուրը բոլոր արցախցիներին դուր գա: Տաք սննդի ապահովման ծրագիրը դեռ շարունակվում է, բայց բարեգործական միությունը շուտով կանցնի հաջորդ ծրագրին; Արցախցի ընտանիքներին կփորձեն տրամադրել չոր սննադային փաթեթներ. այնպիսիք, որոնցով հնարավոր կլինի մեկ շաբաթ ինքնուրույն կերակուր պատրաստել:   https://www.youtube.com/watch?v=TSaSOqq7Hic