ՀՀ բջջային օպերատորների եկամուտներն ու շահույթները՝ 2024թ. II եռամսյակում 2024 թվականի երկրորդ եռամսյակում Հայաստանի բջջային օպերատորների կողմից շարժական կապի ծառայություններից ստացված գործառնական եկամուտները կազմել են 23.26 մլրդ դրամ, ինչը 2023 թվականի նույն ժամանակահատվածի 22.53 մլրդ դրամ ցուցանիշի համեմատ արձանագրել է 3.25% կամ 732.06 մլն դրամ աճ։ Հատկապես, Viva-ի եկամուտներն աճել են 617.03 մլն դրամով կամ 4.79%-ով և կազմել 13.51 մլրդ դրամ։ Team Telecom-ի եկամուտները բարձրացել են 234.31 մլն դրամով կամ 5.04%-ով՝ հասնելով 4.89 մլրդ դրամի։ Միևնույն ժամանակ, Ucom-ի գործառնական եկամուտները նվազել են 119.28 մլն դրամով կամ 2.39%-ով՝ կազմելով 4.87 մլրդ դրամ։ 2024 թվականի երկրորդ եռամսյակում Viva-ի գործառնական ծախսերը կազմել են 6.68 մլրդ դրամ, չհարկված շահույթը՝ 6.73 մլրդ դրամ, իսկ կապիտալ ծախսերը՝ 2.95 մլրդ դրամ։ Team Telecom-ի գործառնական ծախսերը կազմել են 3.35 մլրդ դրամ, չհարկված շահույթը՝ 1.54 մլրդ դրամ, և կապիտալ ծախսերը՝ 733.28 մլն դրամ։ Ucom-ի գործառնական ծախսերը կազմել են 3.06 մլրդ դրամ, չհարկված շահույթը՝ 1.80 մլրդ դրամ, իսկ կապիտալ ծախսերը՝ 1.64 մլրդ դրամ։ 2024-ի երկրորդ եռամսյակում Ucom-ի շահույթը (մինչև հարկումը) 2023-ի համեմատ նվազել է 11.67%-ով կամ 238.33 մլն դրամով, մինչդեռ Viva-ի և Team Telecom-ի շահույթները (մինչև հարկումը) աճել են համապատասխանաբար 8.16% և 7.47%-ով։ Հատկանշական է, որ Viva-ի կապիտալ ծախսերը 2024-ի երկրորդ եռամսյակում աճել են 0.63%-ով կամ 18.56 մլն դրամով, մինչդեռ Team Telecom-ի և Ucom-ի կապիտալ ծախսերը նվազել են համապատասխանաբար 18.43% և 12.94%-ով։ ՀՀ օպերատորների բջջային կապից ստացված եկամուտները 2024թ. II եռամսյակում կազմել են մոտ 23.3 մլրդ ՀՀ դրամ   Աղբյուր՝ B24