Թուրք-սիրիական հարաբերություններ. ի՞նչ է ծրագրում Էրդողանը

Վերջին շաբաթներին ակտիվ քննարկվում է Թուրքիայի և Սիրիայի միջև հարաբերությունների կարգավորման գործընթացը, որը տեղի է ունենում Ռուսաստանի գործուն ներգրավվածությամբ: Վերջին տարիներին տարածաշրջանային երկրների մոտ նկատվում է Սիրիայի հետ հարաբերությունները կարգավորելու միտում: Սակայն Թուրքիայի կողմից նման գործընթաց նախաձեռնելը նույն տրամաբանության մեջ չէ: Թուրքիան, ի տարբերություն մյուսների, հողի վրա առկա իրականությունն ընդունելու արդյունքում չի, որ փորձում հարաբերությունները կարգավորել պաշտոնական Դամասկոսի հետ: Պաշտոնական Անկարան արդեն մի քանի ամիս է խոսում է Սիրիայի հյուսիսում քրդերի դեմ նոր ցամաքային գործողություն սկսելու մտադրության մասին: Սակայն առանց ռուսական կողմի հետ համաձայնեցման քրդերի դեմ նոր գործողությունը թուրքական կողմից համար կարող է մի շարք խնդիրներ առաջ բերել: Իսկ Մոսկվայում էլ նշում են, որ Քրդստանի աշխատավորական կուսակցությունից եկող սպառնալիքները չեզոքացնելու հարցում Թուրքիան պետք է համագործակցի պաշտոնական Դամասկոսի հետ: