Չինաստանը 25 հազար դոլար է նվիրաբերել, որ  Շիրակի մարզի Լուսակերտ գյուղը ոտքի կանգնի

Չինաստանն ու ՄԱԿ-ի Պարենի համաշխարհային ծրագիրը գործակցել են հանուն Շիրակի Լուսակերտ գյուղի զարգացման: Ծրագիրը կյանքի է կոչվել 2021-2022 թվականներին, որի օգնությամբ համայնքին հատկացվել է 20 կՎտ հզորությամբ արևային կայան։ Այն հնարավորություն է տալիս համայնքային բյուջեից տարեկան խնայել 1,400,000 դրամ, որը կուղղվի գյուղատնտեսական կյանքի ակտիվացման՝  ծրագրին նոր ֆերմերների ներգրավվմանը, ոռոգման խնդիրները լուծելուց մինչև բարձրորակ սերմերի գնում։ Նախաձեռնողները համոզված են, որ փոքր ներդրումները կարող են փոխել ընտանիքների կյանքի որակը և կայուն զարգացման հնարավորություն ստեղծել բնակիչների համար, որ չլքեն իրենց ծննդավայրը: