Գերմանիան մտադիր է դադարեցնել Ռուսաստանից ածխի ներկրումը անցումային 120-օրյա ժամկետում, որը նախատեսված է ԵՄ պատժամիջոցների նոր փաթեթով։ Այս մասին հայտարարել է Գերմանիայի կանցլեր Օլաֆ Շոլցը,- գրում է Reuters-ը։ «Իմ կարծիքով մենք ստիպված կլինենք օգտագործել այս անցումային շրջանը»,- ասել է Շոլցը։

Նա նաեւ հույս է հայտնել, որ Բեռլինը կկարողանա երեք ամսից ավելի շուտ հեռանալ ռուսական ածխից։ Չնայած նրան, որ ընկերությունները երկար ժամանակ է ինչ նոր մատակարարներ են փնտրում այնուամենայնիվ նրանց ժամանակ է պետք,-  ավելացրել է Գերմանիայի կանցլերը:

Եվրամիության անդամ երկրները ապրիլի 7-ին համաձայնության են եկել հակառուսական պատժամիջոցների հերթական փաթեթի շուրջ, ներառյալ Ռուսաստանի Դաշնությունից ածխի գնումների աստիճանական դադարեցումը։