Բուդապեշտը չի աջակցի Ռուսաստանի դեմ էներգետիկ պատժամիջոցներին. Հունգարիայի արտգործնախարար Հունգարիայի արտաքին գործերի նախարար Պետեր Սիյարտոն դեմ է արտահայտվել Ռուսաստանից էներգակիրների մատակարարումների վրա էմբարգոյի սահմանմանը։ Այս մասին հայտնում է ՏԱՍՍ-ը։ «Մենք չենք աջակցում Ռուսաստանի դեմ էներգետիկ պատժամիջոցների վերաբերյալ առաջարկներին»,- ասել է նա։ Սիյարտոն պարզաբանել է, որ խոսքը ոչ միայն նավթի ու գազի մատակարարման, այլեւ ատոմակայանների վառելիքի մասին է։ Նախօրեին Հունգարիայի վարչապետ Վիկտոր Օրբանը հայտարարել էր, որ Բուդապեշտը չի աջակցի ռուսական նավթի և գազի դեմ ԵՄ պատժամիջոցների երկարաձգմանը։ Նա նաեւ հայտարարել է ռուսական գազի դիմաց ռուբլով վճարելու պատրաստակամության մասին։ Ավելի վաղ Գերմանիայի ֆինանսների նախարար Քրիստիան Լինդները խոստովանել էր, որ ԵՄ երկրները դեռ չեն կարող հրաժարվել Ռուսաստանից գազի մատակարարումից։