Porsche-ի անակնկալը «ՍՕՍ-մանկական գյուղեր»-ի երեխաներին

Porsche-ն անակնկալ էր պատրաստել «ՍՕՍ-մանկական գյուղեր»-ի երեխաներին, որոնք հյուր էին եկել ընկերությանը։ Առաջին անգամ ընկերությունը երեխաներին անակնկալ է մատուցել դեռ վեց տարի առաջ։ Այս անգամ երեխաներն իրենք էին ցանկացել լինել «Porsche»-ի սրահում։ Ոմանք նախընտրեցին տեսնել, թե ինչպես են աշխատում մասնագետները, ոմանք էլ պարզապես լուսանկարվեցին երազանք թվացող մեքենաների հետ։ Հայաստանում «Porsche» ընկերության ներկայացուցչի համոզմամբ՝ միջազգային կազմակերպությունները տարվա մեջ գոնե մեկ անգամ, սոցիալական պատասխանատվությունից ելնելով, պետք է ծրագրեր իրականացնեն հենց երեխաների համար, ովքեր իրապես ունեն ուշադրության կարիք: «Պորշե կենտրոն Երեւան»-ում շրջայց կատարելուց հետո 70 երեխաների ժպիտն ու բարձր տրամադրությունը լիարժեք դարձավ «Երեւան պարկ»-ում։ «ՍՕՍ-մանկական գյուղեր» հիմնադրամի ներկայացուցչի խոսքով՝ նմանատիպ միջոցառումների կազմակերպումը կարող է դառնալ վարակիչ ու լավ օրինակ մյուս ընկերությունների համար։   https://www.youtube.com/watch?v=lvCrEAojQBU