«Աշխարհն առանց թափոնների» ծրագրի մեկնարկը #Հավաքի՛ր #Տեսակավորի՛ր #Վերամշակի՛ր Այսօր մեկնարկեց «Կոկա-Կոլա Հելլենիկ Բոթլինգ Քամփնի Արմենիա» ընկերության, «Աշխարհն առանց թափոնների» ծրագրի նոր փուլը։ Այս տարի նախաձեռնությանը միացել են «Թումանյան շաուրմա» արագ սննդի ցանցը, «Կարաս Գրուպ» ՍՊԸ-ն, «ԱրտԼանչ» ընկերությունը, “Ֆուդիտորի”, «Երևան Պարկը», «Դալմա Գարդեն Մոլ» զվարճաառևտրային համալիրը և «Երևան Մոլ» առևտրի և զվարճանքի համալիրը։ Նմանատիպ համագործակցությունները դարձել են շարունակական և միտված են բարելավելու Հայաստանում թափոնների կառավարման համակարգերը: Ներգրավելով ավելի շատ կազմակերպություններ՝ «Կոկա-Կոլա Հելլենիկ Բոթլինգ Քամփնի Արմենիա» ընկերությունը փորձում է աջակցել թափոնների հավաքագրման և վերամշակման մշակույթի զարգացմանը Հայաստանի Հանրապետությունում: Թափոնների տեսակավորման մշակույթը կարևոր նշանակություն ունի հասարակության ճիշտ վարքագծի, իրազեկվածության բարձրացման և թափոնների կառավարման համակարգի ձևավորման համար։ Ծրագրի իրականացմանն աջակցում է «Այ Էս Էս Դի» Համայնքների կայուն զարգացման նորարարական լուծումներ» հասարակական կազմակերպությունը, որն էլ ստանձնել է ծրագրի շրջանակում տեսակավորման ամանների տեղադրման, թափոնների հավաքագրման և տեսակավորված թափոնների վերամշակման աշխատանքները: Նախաձեռնության շրջանակում տեղադրվելու են ավելի քան 40 տեսակավորման ամաններ, որոնց միջոցով հնարավոր կլինի տարանջատել թուղթը և պլաստիկը։ «Աշխարհն առանց թափոնների հայեցակարգը «Կոկա-Կոլա ՀԲՔ Արմենիա» ընկերության կորպորատիվ սոցիալական պատասխանատվության առանցքային ուղղություններից մեկն է, քանի որ ընկերությունը մեծապես կարևորում է թափոնների կառավարման և վերամշակման մշակույթի ձևավորումն ու ամրապնդումը Հայաստանում։ Համագործակցությունը մեր գործընկերների հետ ոչ միայն բիզնեսի, այլև ԿՍՊ շրջանակում իրականացվող նմանատիպ նախաձեռնություններում շատ կարևոր են։ Հուսով ենք, որ այս նախաձեռնությունը ավելի կամրապնդի և կընդլայնի համագործակցության շրջանակը։ Մենք շարունակում ենք իրականացնել բազմաթիվ ծրագրեր՝ ուղղված թափոնների կայուն կառավարմանը և շրջանաձև տնտեսության ձևավորմանը»,- նշեց «Կոկա-Կոլա ՀԲՔ Արմենիա» ընկերության Հասարակական գործերի և կայունության տնօրեն Էլինա Մարգարյանը։ Այսպիսով, «Աշխարհն առանց թափոնների» ծրագրի մեկնարկը ևս մեկ քայլ է հայ հասարակության շրջանում թափոնների տեսակավորման մշակույթի ձևավորման, կրթելու և մարդկանց իրազեկվածությունը բարձրացնելու տեսանկյունից։ Լիահույս ենք, որ նախաձեռնությունը կստանա դրական արձագանք, և տարբեր բիզնես կազմակերպություններ ևս կունենան վերջինիս միանալու հնարավորություն՝ ընդլայնելով համագործակցության շրջանակը։     https://www.youtube.com/watch?v=nzQ4nqLZR_A