Ավտոմեքենայի տեխզննության համար անհրաժեշտ բոլոր տեղեկություններն այսուհետեւ հասանելի կլինեն օնլայն տարբերակով, և սեփականատերը ստիպված չի լինի տարբեր տեղեկանքներ ներկայացնել: Նոր կարգն ուժի մեջ կմտնի 1 ամիս հետո: Տեխզննման կայաններն այժմ առցանց հասանելիություն ունեն ավտոտրանսպորտային միջոցների գույքահարկի համակարգին, և կարող են առցանց ճշտել գույքահարկը վճարված է, թե ոչ: Հետեւաբար, ՙզրոյական՚ տեղեկանք պահանջելու անհրաժեշտություն այլևս չկա: Օրենքի նախատեսած պայմաններից որևէ մեկի բացակայությունը առցանց համակարգում կարող է հիմք դառնալ ավտոմեքենայի տեխնիկական զննությունը մերժելու համար: