Ֆինլանդիան 7 միլիոն եվրո կհատկացնի Ուկրաինայից Սոմալի հացահատիկի փոխադրման համար Ֆինլանդիայի արտաքին գործերի նախարարությունը հայտարարել է, որ երկիրը 15,7 մլն եվրո մարդասիրական օգնություն է հատկացնում Աֆրիկայի երկրներին, որից 7 մլն եվրոն կուղարկվի ուկրաինական հացահատիկ Սոմալի տեղափոխելու համար։ Այս մասին հայտնում է ԱԳՆ կայքը։ Նշվում է, որ համապատասխան որոշումը ծառայում է ՄԱԿ-ի Պարենի համաշխարհային ծրագրի (ՊՀԾ) շրջանակներում Ուկրաինայից Աֆրիկա հացահատիկի մատակարարմանն աջակցելուն։ «Աֆրիկայի երկրները հատկապես կախված են Ռուսաստանից և Ուկրաինայից հացահատիկի ներկրումից․ Ֆինլանդիան 15,7 միլիոն եվրո է հատկացնում տարածաշրջանին մարդասիրական օգնության համար: Այս գումարից գրեթե 7 միլիոն եվրո կուղղվի ՊՀԾ-ի միջոցով ՝ օգնելու հեշտացնել ուկրաինական հացահատիկի տեղափոխումը Սոմալի: