Համաշխարհային բանկը 2024-ին Հայաստանի տնտեսական աճը կանխատեսում է 4,7% Համաշխարհային բանկը (ՀԲ) հրապարակել է «Համաշխարհային տնտեսական հեռանկարներ» զեկույցը, որտեղ գնահատվում է՝ 2023 թվականին Հայաստանի տնտեսության աճը կկազմի 7,1%։ ՀԲ «Համաշխարհային տնտեսական հեռանկարներ» զեկույցում կանխատեսվում է, 2024 թվականին Հայաստանի ՀՆԱ-ն կաճի 4,7%-ով, իսկ 2025–ին՝ 4,5%-ով: Ըստ կանխատեսման՝ Եվրոպա եւ Կենտրոնական Ասիա տարածաշրջանում ակնկալվում է, որ 2024 թվականին աճի տեմպերը կդանդաղեն մինչեւ 2,4%, իսկ 2025 թվականին կհասնի մինչեւ 2,7%-ի: