ԵԱԶԲ-ն 2024-ին նախատեսում է $2,3 միլիարդի ներդրումներ կատարել Եվրասիական զարգացման բանկը (ԵԱԶԲ) նախատեսում է 2024 թվականին մասնակից երկրներում ֆինանսավորել առնվազն 30 ծրագիր՝ մոտ $2,3 միլիարդ ընդհանուր արժողությամբ։ Ինչպես հաղորդում է ՏԱՍՍ-ը՝ այս մասին հայտարարել է ԵԱԶԲ-ի խորհրդի նախագահ Նիկոլայ Պոդգուզովը։ «2024 թվականի համար ունենք հավակնոտ ծրագրեր, եւ մեր ռազմավարության համաձայն՝ ընթացիկ ներդրումային պորտֆելը պետք է հասնի $ 6 միլիարդի», - ասել է նա։ Նիկոլայ Պոդգուզովը նշել է, որ 2023 թվականին բանկի ներդրումների ծավալը կգերազանցի $1,7 միլիարդը։