Հայաստանն աշխարհում առաջինն է կանանց զբաղվածության ցուցանիշով Հայաստանը կին աշխատողների ցուցանիշով աշխարհում առաջին տեղում է։ Համապատասխան ցուցանիշով 180 երկրների դասակարգման աղյուսակը կազմել և հրապարակել է Qualtrics-ը,- գրում է how2b.am-ը: Հայաստանում ընդհանուր աշխատուժի 52.76%-ը կազմում են կանայք՝ ավելի շատ քան տղամարդիկ։ Աշխարհում կա ընդամենը 10 երկիր, որտեղ աշխատող կանանց թվաքանակը գերազանցում է տղամարդկանց թիվը։ 2022թ. տվյալներով ամբողջ աշխարհում (180 երկրների հաշվով) կանայք կազմում են ընդհանուր աշխատուժի 39,49%-ը։ Վիճակագրությունը հավաքագրվել է Համաշխարհային բանկի Համաշխարհային զարգացման ցուցանիշների տվյալների բազայից։ Ամբողջ ցանկին կարող եք ծանոթանալ այստեղ։