Coca-Cola-ն արհեստական բանականության միջոցով նոր ըմպելիք է ստեղծել Coca-Cola զովացուցիչ ըմպելիքների ընկերությունը արհեստական ​​բանականության տեխնոլոգիայի կիրառմամբ թողարկել է սահմանափակ քանակությամբ գազավորված ըմպելիք: Խմիչքը ստացել է Coca-Cola Y3000 անվանումը,- գրում է fintech.am-ը: Արտադրողները ըմպելիքն անվանել են առաջին «ֆուտուրիստական» գազավորված ըմպելիքը և պնդում են, որ այսպիսին է ապագայի «համը»։ Y3000 ըմպելիքի բաղադրատոմսը ստեղծվել է երկու փուլով, և յուրաքանչյուր փուլում օգտագործվել են արհեստական ​​բանականության տեխնոլոգիաներ։ Նախ բրենդի մասնագետներն ուսումնասիրել են սպառողների համային նախասիրությունները և թե ինչպես են տարբեր երկրների մարդիկ պատկերացնում ապագան։ Այնուհետև այս տեղեկատվությունը մշակել է արհեստական ​​բանականությունը կողմից, որը ստեղծել է յուրահատուկ «համի պրոֆիլներ և համակցություններ»: