Իլոն Մասկը զգուշացրել է արհեստական բանականության «աղետաբեր» հետևանքների մասին Tesla-ի և SpaceX-ի հիմնադիր Իլոն Մասկը զգուշանում է արհեստական բանականության չկարգավորվող հետևանքների մասին: Նա կոչ է արել նվազեցնել արհեստական բանականության՝ անկառավարելի դառնալու ռիսկերը: Իլոն Մասկը զգուշացրել է, որ արհեստական բանականության ոլորտում չվերահսկվող մշակումները կարող են անդառնալի և «աղետաբեր» հետևանքներ ունենալ մարդկության համար,- գրում է how2b.am-ը։ Փարիզում կայացած Viva Tech համաժողովի ընթացքում ունեցած ելույթի ժամանակ գործարարը կոչ է արել ստեղծել ստեղծել կանոններ՝ կարգավորելու արհեստական բանականության՝ անկառավարելու դառնալու երևույթ դառնալու հնարավորությունը: «Ես կարծում եմ, որ կա թվային գերբանականության իրական վտանգ: Մենք պետք է նվազագույնի հասցնենք այն բանի հավանականությունը, որ ինչ-որ բան այն չի ստացվի», — հայտարարել է Մասկը: Մարտ ամսին միլիարդատերը հանրագիր էր ստորագրել, որտեղ զգուշացվում էր հասարակության համար արհեստական բանականության չվերահսկվող համակարգերի աղետալի վտանգների մասին: Իսկ ահա մարտին հայտնի դարձավ, որ Մասկը արհեստական բանականությամբ աշխատող ստարտափ է ստեղծելու, որը կմրցի OpenAI-ի ChatGPT-ի հետ: Մայիսին Apple-ի համահիմնադիր Սթիվ Վոզնյակը հայտարարեց, որ վախենում է, որ արհեստական բանականությունը կօգտագործվի անբարեխիղճ նպատակներով: Նա մեղավոր է համարում բոլոր նրանց, ովքեր թույլ են տվել տեխնոլոգիաների զարգանալ առանց կարգավորման: