«Գազպրոմը» հերքել է «Հյուսիսային հոսք» գազատարի մասին Կանադայի հայտարարությունները

«Գազպրոմը» հայտնել է, որ «Հյուսիսային հոսք» գազատարի համար անհրաժեշտ տուրբիններից և ոչ մեկը Կանադայում վերանորոգման փուլում չի գտնվում: «Ներկայումս Portovaya CS տուրբիններից և ոչ մեկը չի վերանորոգվում Կանադայում», - ասվում է «Գազպրոմի» Telegram ալիքում: Ընկերությունն այսպիսով հերքել է կանադական կողմի այն խոսքերը, թե երկրի կառավարությունը որոշել է գազատարի համար հինգ գազատուրբիններ փոխանցել Գերմանիա, որոնք այժմ գտնվում են Մոնրեալում։ Կանադայի արտաքին գործերի նախարար Մելանի Ջոլին պարզաբանել է, որ Գերմանիան խնդրել է նման որոշում կայացնել։Տեխնիկայի հետ կապված իրավիճակը քննարկվում էր հունիսի կեսերից։ Հետո «Գազպրոմը» հայտարարեց, որ վերանորոգումից չի կարող ստանալ անհրաժեշտ տուրբինը, և ստիպված եղավ նվազեցնել մղման ծավալը։ Ավելի ուշ տուրբինը Կանադայից ուղարկվեց Եվրոպա, սակայն «Գազպրոմը» հրաժարվեց ստանալ այն ՝ պատճառաբանելով պատժամիջոցների սահմանափակումները: Հիշեցնենք, որ օգոստոսի 19-ին «Գազպրոմը» հայտարարեց օգոստոսի 31-ից սեպտեմբերի 2-ը «Հյուսիսային հոսք» գազատարի աշխատանքը ժամանակավորապես դադարեցնելու մասին։