2023թ. հունվար-հուլիսին Հայաստանում ցեմենտի արտադրությունն աճել է 33%-ով

ՀՀ վիճակագրական կոմիտեի հրապարակած տվյալների համաձայն 2023թ. հունվար-հուլիս ամիսներին Հայաստանում արտադրվել է 700.1 հազար տոննա ցեմենտ։ 2022թ. համադրելի ցուցանիշի համեմատ արտադրության ծավալներն աճել են 33%-ով։ Միևնույն ժամանակ, շինարարական շաղախների արտադրությունն աճել է 15.6%-ով և կազմել 67,338.0 տոննա։ Ապրանքային բետոնի արտադրության ծավալներն աճել են 44%-ով և կազմել 1,173,792.1 մ³։ Գիպսի արտադրությունը նվազել է 0.8%-ով և կազմել 20,932.0 տոննա։ Կրի արտադրությունն աճել է 43.2%-ով և կազմել 24,331.0 տոննա։ Ավազի արտադրությունն աճել է 44.1%-ով և կազմել 2,739.6 հազար տոննա, իսկ տուֆի արտադրությունն աճել է 45.7%-ով և կազմել 37,818.6 տոննա։