Լաս Վեգասում փորձարկվել է հսկայական գնդաձև էկրան, որի վրա $2,3 մլրդ է ծախսվել. Տեսանյութ

ԱՄՆ Լաս Վեգաս քաղաքում փորձարկվել է հսկայական գնդաձև էկրան՝ MSG Sphere, որի ստեղծման համար 2.3 մլրդ դոլար է ծախսվել, այս մասին հայտնում է CNN-ը։ Էկրանը, որը տեղադրված է քաղաքի համերգային նոր հարթակում, ունի 111.5 մ բարձրություն և 158 մետր լայնություն․ հենց այս չափերի շնորհիվ էլ այն աշխարհի ամենամեծ գնդաձև կառույցն է։ Էկրանը բաղկացած է 1,2 միլիոն լուսադիոդներից, որոնցից յուրաքանչյուրը հոկեյի տափողակի չափ է։ MSG Sphere-ի փորձնական մեկնարկը տեղի է ունեցել ԱՄՆ Անկախության օրվա առթիվ, որը նշվում է հուլիսի 4-ին: Էկրանի պաշտոնական բացումը տեղի կունենա 2023-ի սեպտեմբերի 29-ին։ Նոր բեմում առաջինը հանդես կգա U2 խումբը։   https://www.youtube.com/watch?time_continue=2&v=wKCY1Ph7T0k&embeds_referring_euri=https%3A%2F%2Ftech.news.am%2F&source_ve_path=Mjg2NjY&feature=emb_logo   MSG Sphere-ը նախագծել է Populous Architects ընկերությունը: Մարզադաշտը, որտեղ տեղադրված է հսկայական էկրանը, կարող է տեղավորել գրեթե 18,000 մարդ: Համերգներից բացի, MSG Sphere-ում տեղի կունենան նաև ֆիլմերի ցուցադրություններ և արդեն նախատեսված է Դարրեն Արոնոֆսկու «Բացիկներ Երկրից» նոր ֆիլմի պրեմիերան։