Բիզնես նախաճաշ. Նոր գիտելիքներ Մանթաշյանց գործարարների միության համար

Եթե ուզում ես մարդու հետ ճանապարհ անցնել, ապա մեկ անգամ նրա հետ սեղան նստիր: Օգտագործելով հին հայկական ասացվածքը Մանթաշյանց գործարարների միության անդամներն այս անգամ հանդիպեցին նախաճաշի սեղանի շուրջ: Գործարարները բծախնդրություն են ցուցաբերում, առավոտյան բոլորին շահագրգռել էր միմյանց հետ հանդիպելն ու նոր գիտելիքներ կամ խորհուրդներ սովորելը։ «Տարբեր հետաքրքիր մարդկանց հետ հանդիպումը մեծացնում է մեր աշխարհընկալումը, դրա համար կարծում եմ շատ կարևոր է, որ նման հանդիպումները լինեն, շփվենք և ավելի մեծ նայենք աշխարհին»,- ասաց Esterox ընկերության հիմնադիր տնօրեն Արմեն Ադամյանը: Հանդիպման խոսնակը «Նուռ Դիզայն» ստեղծագործական ստուդիայի հիմնադիր տնօրեն Արման Դավթյանն էր: Մասնակիցները նրա շնորհիվ պարզեցին, թե ինչպե՞ս կարող է սխալ ընտրված ոճը ազդել նոր գործարքների կայացման վրա, եթե պոտենցիալ գործընկերոջ հետ հանդիպումը գրասենյակում է։ Առհասարակ ինչպե՞ս պետք է ընտրել գրասենյակային ճիշտ ոճ և որոնք են այն հիմնական սխալները, որ չի կարելի թույլ տալ գրասենյակային ոճ ընտրելիս: «Ճապոնիայում արվեստը ուսումնասիրում են ցանկացած մասնագիտություն ընտրելու պարագայում: Դա շատ կարևոր է, որպեսզի էսթետիկ և ստեղծագործական վերաբերմունք ունենաս ցանկացած ոլորտում. Կլինի դա IT կամ որևէ այլ բան»,- ասաց «Նուռ Դիզայն» ստեղծագործական ստուդիայի հիմնադիր տնօրեն Արման Դավթյանը: Ապացուցված է, որ գրասենյակում իրավիճակը ազդում է աշխատանքի արտադրողականության վրա: Իսկ աշխատելու և գրասենյակում գտնվելու ցանկությունը մեծացնում է բիզնեսում կայանալու հնարավորությունը: Հետևաբար, գունային սխեմայի ընտրությունը, ճիշտ դիզայնը, շատ կարևոր է բիզնեսի կայացման գործում։ Դիզայներ, քանդակագործ, ոսկերիչ, նկարիչ Նուռը՝ նույն ինքը Արման Դավթյանը «Նուռ Դիզայն» ստեղծագործական ստուդիայի հիմնադիր տնօրենն է, 2015 թվականից հանդիսանում է «Նուռ Արթ Գալլերի» (Nur Art Gallery Yerevan) ցուցասրահի հիմնադիրը։ 2012 թվականին արժանացել է Հայաստանի մշակույթի նախարարության Ոսկե, 2013 թվականին՝ Հայաստանի նախագահի Մովսես Խորենացու մեդալների։   https://www.youtube.com/watch?v=p3niTK3ovv0