Այս տարվանից միջազգային 5 լաբորատորիաները կորոշեն արտահանվող խտանյութում առկա մոլիբդենի, պղնձի, ոսկու չափը Որքան մոլիբդեն, պղինձ կամ ոսկի կա երկրից արտահանվող խտանյութում: Հայաստանն այս տարվանից վստահում է միայն միջազգային 5 լաբորատորիայի եզրակացության։ Ցանկը Կառավարությունը նախորդ շաբաթ սահմանեց։ Ընտրել են աշխարհի մասշտաբով ամենահեղինակավոր ընկերությունների, որ բացառվեն կասկածները, թե այս կամ այն խմբաքանակի մեջ բիզնեսը մետաղների ցածր տոկոս է ֆիքսում, որ քիչ հարկ վճարի,- բացատրում է որոշումը կազմած ֆինանսների նախարարությւնը։ Հետազոտությունը ՝ նախկինի պես, հիմա էլ կարող է պատվիրել և՛ խտանյութի արտադրող-վաճառողը, և՛ գնորդը արտահանման ամեն խմբաքանակի և բոլոր մետաղների համար։ Մասնագետները նշում են, որ պետությունը հրաժարվել է մետաղների կտրուկ թանկացման փուլում 6 ամսով, 2 անգամ կիրառած արտահանման տուրքից, ինչից բիզնեսը կտրուկ դժգոհեց։