Եվրոպայում գազի գինը մոտեցել է 1400 դոլարին ` հազար խորանարդ մետրի դիմաց Լոնդոնի ICE բորսայի տվյալների համաձայն ՝ Եվրոպայում գազի գինը հազար խորանարդ մետրի դիմաց հասել է 1388 դոլարի։ Նիդեռլանդների եվրոպական խոշորագույն TTF հանգույցում մայիսյան ֆյուչերսների արժեքը սակարկությունների սկզբում կազմել է 1375 դոլար հազար խորանարդ մետրի դիմաց: Մոսկվայի ժամանակով ժամը 9.49-ի դրությամբ գազի գինը հազար խորանարդ մետրի համար կազմել է 1388,52 դոլար։   Մարտի 26-ին Բուլղարիայի էներգետիկայի նախարարությունը հայտարարել է , որ ռուսական «Գազպրոմ Էքսպորտ» ընկերությունը ծանուցել է իր բուլղարական գործընկեր «Բուլգարգազ» կազմակերպությանը չորեքշաբթի ՝ ապրիլի 27-ից գազի մատակարարումը դադարեցնելու մասին։ Նույն օրը լեհական PGNiG ընկերությունը հայտարարեց, որ ծանուցում է ստացել «Գազպրոմից», ըստ որի ՝ ռուսական կազմակերպությունը ապրիլի 27-ից ամբողջությամբ դադարեցնում է գազի մատակարարումը Լեհաստան։ Ընկերությունում նշել են, որ իրենք շարունակում են գազի դիմաց վճարել նախկինում կնքված պայմանագրով եւ չեն պատրաստվում անցնել ռուբլով վճարմանը։